Telefonat inteligjentë “të fortifikuar” janë të vështirë për t’u gjetur këto ditë, pasi askush nuk duket i interesuar për t’i nxjerrë ato në tregun masiv. Opsionet tuaja janë goxha të kufizuara dhe do ta kishit më të lehtë të përdorni një kasë mbrojtëse të fortë me një pajisje kryesore Android.
Samsung po shton opsionet për telefonat inteligjentë “të fortifikuar” përmes Galaxy S23 Tactical Edition dhe Galaxy XCover 6 Pro Tactical Edition, por ju nuk mund t’i blini ato si konsumator me pakicë edhe nëse dëshironi. Siç njoftohet nga kompania, telefonat Tactical Edition janë të njëjtë me Galaxy S23 dhe Galaxy XCover 6 Pro të rregullt nga ana e harduerit, por me disa veçori shtesë softuerike në krye. Samsung ka bashkëpunuar me Juggernaut Case dhe Kagwerks për të zhvilluar kasa të forta të kategorisë ushtarake, të cilat shiten veçmas.
Këta telefona mund të lidhen pa probleme me frekuenca radiosh të përzgjedhura, me dron, gjetës të rrezes lazer dhe GPS të jashtëm. Ata gjithashtu kanë një buton anësor të programueshëm.
Karakteristikat e softuerit unike për Galaxy S23 Tactical Edition dhe Galaxy XCover 6 Pro Tactical Edition janë si më poshtë:
- Modaliteti i bllokimit të rrjetit 5G: Lejon telefonin të lidhet ekskluzivisht me rrjetet e certifikuara 5G.
- Stealth mode: Çaktivizon LTE dhe e-911 dhe çaktivizon të gjitha transmetimet e frekuencave radio.
- Covert Lock: Shkon një hap më tej për të çaktivizuar komunikimet e rrjetit bazë dhe GPS.
- Night Vision Mode: Lejon shikimin përmes pajisjeve optike të shikimit të natës.
- Auto Rotating Lock-Screen: Lejon përdorim më të lehtë kur vendoset në gjoks.
- Adjustable Screen Timeout: Zgjat periudhën e fikjes së ekranit kur nuk ka prekje prej disa minutash.
- Dual VPN Chaining: Mundëson dy lidhje VPN.
- Server-less Licensing for Knox.
- Cikli i zgjatur katërvjeçar i mirëmbajtjes së softuerit: Klientëve u premtohet mbështetje softuerike deri në janar 2027.
