Deri tani, ne kemi pritur për mjaft kohë për pajisjen e parë të palosshme të OnePlus, OnePlus Open. Kohët e fundit, menjëherë pasi OnePlus njoftoi se kjo pajisje do të vinte “së shpejti”, dolën thashetheme se kompania po përballej me disa vonesa.
Kjo u pasua nga një periudhë heshtjeje për sa i përket raportimeve, por gazetari Max Jambor sapo publikoi një postim në X duke lënë të kuptohet se pritja mund të marrë fund shumë shpejt. Jambor, me një ton dukshëm të sigurt, dha dhe datën e saktë të lançimit.
Max Jambor
“Smartphone i parë i palosshëm nga @OnePlus do të lançohet më 19 tetor!” tha ai në X (ish Twitter). Kjo kohë mund ta bëjë edhe më të ashpër konkurrencën e Open me pajisjet e tjera të palosshme në treg. OnePlus duket se është i vendosur të rivalizojë me këtë pajisje premium drejtpërdrejt Samsung, duke duke i dhënë një goditje serisë Galaxy Z Fold 5.
Nëse informacioni i Jambor rezulton e vërtetë, zgjedhja e OnePlus për datën e lançimit do të nënkuptojë edhe më shumë konkurrencë, pasi do të kalonin vetëm dy javë pas prezantimit të Pixel 8 të Google.
Kompania nuk ka folur shumë për specifikat e pajisjes së re, megjithatë, duhet të jetë mjaft e hijshme me skaje të sheshta dhe me një pjesë të pasme prej lëkure. Telefoni mund të ketë një ekran të rregullt të palosshëm 7.8 inç 2K AMOLED si dhe një prerje të madhe rrethore të kamerës. Ekrani i përparmë do të jetë 6.3 inç, dhe me refresh rate 120 Hz.
Me shumë mundësi OnePlus Open mund të fuqizohet nga Qualcomm Snapdragon 8 Gen 2. Përdoruesit mund të kenë më pak shqetësime për hapësirën e brendshme, pasi pajisja mund të ruajë deri në 256 GB të dhëna me 16 GB RAM. Open mund të mbështesë gjithashtu karikimin 67 W dhe të ketë një bateri 4,800 mAh.
