Gjatë kohëve të fundit ka patur shumë raportime në lidhje me pasardhësin e Galaxy S24 Ultra, i cili pritet të jetë në të vërtetë një pasardhës i i Galaxy Note 20.
Linja Note, siç mund ta dini tashmë, u ndërpre në vitin 2020 dhe ne kemi një lajm të mirë për ata që nuk e pritën mirë këtë lajm. Samsung u përpoq të kompensonte largimin e serisë Note duke përcjellë veçorinë e saj më ikonike, mbështetjen për S Pen, në telefonat flagship të serisë S. Modeli i gjeneratës aktuale, Galaxy S24 Ultra, është një nga telefonat më të mirë që mund të blini sot dhe modeli vijues mund të jetë një përmirësim i konsiderueshëm krahasuar me të.
Si fillim, telefoni do të eleminojë skajet e mprehta të Galaxy S24 Ultra për të parandaluar që skajet e telefonit të ndihen të parehatshme në pëllëmbët tuaja. Në vend të kësaj, telefoni do të ketë skaje pak të rrumbullakosura, sipas raportuesit Ice Universe.
Në postimet e tij të fundit në rrjetet sociale, leaker-i ka zbuluar gjithashtu se telefoni do të ketë një “raport horizontal ekran-trup” më të mirë sesa Galaxy S24 Ultra. Ai kishte thënë më parë se do të bëhen disa modifikime në anët e telefonit, duke rezultuar në një kornizë që nuk do të ishte as plotësisht e drejtë dhe as dukshëm e harkuar. Besohet se pjesa e pasme do të jetë e rrumbullakosur, ndërsa pjesa më afër ekranit thuhet të jetë e drejtë.
Edhe shiriti anësor në ekran përflitet të jetë më i hollë. Sipas rrjedhjeve të mëparshme, telefoni do të ketë një çip më të shpejtë, kamera të reja ultra të gjerë dhe telefoto, dhe më shumë RAM. Me sa duket, do të ketë edhe një emër të ri me këto ndryshime. Samsung thuhet se gjithashtu do të riemërtojë modelin Plus në Pro.
