Samsung beson se shitjet e pajisjeve të palosshme Galaxy Z do të tejkalojnë serinë mjaft të përhapur Galaxy S brenda 3 vitesh. Kushtet aktuale të tregut kanë çuar në një rritje të shitjeve të smartphone-ve premium, mirëpo pritet që formë e re e tyre të jetë drejtimi kryesor në të ardhmen.
TM Roh, presidenti i Samsung Mobile Experience Business tha: “Nga viti 2025, pajisjet e palosshme do të përbëjnë më tepër se 50% të shitjeve totale të smartphone-ve të Samsung. Pajisjet e palosshme do të jenë standardi i ri i smartphone-ve.”
Segmenti i këtyre pajisjeve po rritet shumë shpejt, me rreth 309% nga 2020 në 2021, sipas të dhënave të siguruara nga Omidia, për një total prej 9 milionë pajisjesh. Seria Z e Samsung përbën pjesën më të madhe të këtyre pajisjeve, ku Galaxy Z Flip 3 dhe Z Fold 3 ishin në shifrat 7.1 milionë deri në fund të vitit (dhe të mendosh që ato u prezantuan në gusht).
Modelet me çmim më të përballueshëm si Z Flip janë më të përhapur në numra. Nga 7.1 milionëshi i pajiseve të serisë Z, Z Flip ishte përgjegjëse për 4.6 milionë të tyre. dhe pajisjet më të reja nga Samsung, Galaxy Z Fold 4 dhe Z Flip 4, që u prezantuan vetëm para pak ditësh, vijnë me të njejtin çmim si paraardhësit.
