Muajin e kaluar nisën të qarkullonin artikuj të ndryshëm që tregonin se Google kishte aktivizuar funksionalitetin DisplayPort Alt Mode në Pixel 8 dhe Pixel 8 Pro që nga Android 14 Beta QPR3 Beta 2.
Me sa duket, aktivizimi i një shërbimi që kompania e kishte çaktivizuar më parë në mënyrë aktive dukej si një shenjë e hershme se po e merrte më seriozisht modalitetin e saj të pazhvilluar të desktopit. Për referencë, ky modalitet u shtua nga Google që në Android 10, por që atëherë është zhvilluar shumë pak.
Tani, Android Authority ka demonstruar modalitetin e përditësuar të desktopit të Google. Ndërsa videoja e ngulitur më poshtë quhet ‘Demo e modalitetit desktop të Android 15’, videoja është në të vërtetë e Android 14 QPR3 Beta 2.1 që Google publikoi në fillim të kësaj jave. Vlen gjithashtu të theksohet se ky model aktualisht nuk do të aktivizohet automatikisht në versionin më të fundit beta të Android 14.
Në vend të kësaj, Android Authority deklaron se ishte pak e vështirë për ta bërë funksional modalitetin e tij të desktopit. Fatkeqësisht, faqja e internetit nuk ka zbuluar se çfarë ndryshimesh janë bërë brenda Android 14 QPR3 Beta 2.1 për të arritur rezultatet më poshtë.
Sidoqoftë, modaliteti desktop i Google ofron më pak veçori sesa Samsung DeX. Siç qëndron, duket se Google ka punuar për të përmirësuar menaxhimin e dritareve me mbështetjen e dritareve në formë të lirë, ndër ndryshimet e tjera. Megjithatë, vihet re se modalitetit për desktop brenda Android 14 QPR3 Beta 2.1 i mungojnë shumë shortcuts të zakonshme të tastierës, si dhe një launcher konvencional i desktopit ose mbështetje universale për drag and drop.
Sido që të jetë puna, duket se Google po përgatitet të prezantojë një modalitet desktop më të fuqishëm më vonë këtë vit me Android 15, ndoshta që të përkojë me lëshimet e Pixel 9, Pixel 9 Pro dhe Pixel 9 Pro XL.
