Një studim i ri nga Kyung Hee University analizon ndikimin që përdorimi i telefonit në silent mode mund të ketë në shëndetin mendor dhe performancën në punë. Studiuesit shqyrtuan se një program trajnimi të ndërgjegjësimit përmes telefonit mund të ulë stresin si dhe të rrisë angazhimin profesional tek punonjësit e zyrave.
Studimi përfshiu 114 pjesëmarrës, të ndarë rastësisht në një grup eksperimental dhe një grup kontrolli. Grupi eksperimental përdori për katër javë aplikacionin InMind, ndërsa grupi i kontrollt e shtyu përdorimin për gjysmën e dytë të studimit, që zgjati gjithsej 8 javë. Matjet u kryen para fillimit, pas katër javësh dhe në fund të studimit, duke vlerësuar stresin e perceptuar, burnout-in, përqendrimin, angazhimin në punë dhe qetësinë.
Rezultatet treguan përfitime të qarta për përdoruesit e aplikacionit si ulje të stresit, rritje të fokusit dhe ndjesi më të lartë energjie. Efektet më të forta u vunë re tek ata që, krahas aplikacionit, bënë edhe ndryshime më të gjera në stilin e jetesës, veçanërisht duke mbajtur telefonin në silent mode.
Këto gjetje përputhen me kërkime të mëparshme në psikologji. Adrian Ward nga University of Texas at Austin thekson se prania e telefonit, edhe i fikur, ul ndjeshëm kapacitetin njohës. Ndërkohë, Gloria Mark nga University of California, Irvine ka treguar se shpërqendrimet dixhitale rrisin stresin dhe ulin produktivitetin.
Studimi sugjeron se heshtja e telefonit nuk është thjesht një zgjedhje praktike, por një strategji e vetëdijshme për të mbrojtur vëmendjen dhe për të reduktuar ankthin. Një veprim i vogël, si silent mode, mund të ketë ndikim të madh në mirëqenien mendore dhe cilësinë e përqendrimit.
