Një sondazh i kohëve të fundit zbuloi se një e katërta e njerëzve të moshës 18 deri në 34 vjeç nuk përgjigjen pothuajse asjnëherë në telefon – të anketuarit thonë se e injorojnë ziljen, përgjigjen me tekst ose kërkojnë numrin në internet nëse nuk e njohin atë.
Sondazhi i Uswitch me 2000 njerëz zbuloi gjithashtu se gati 70% e moshave 18-34 preferojnë një mesazh në vend të një telefonate. Për gjeneratat e vjetra, të folurit në telefon është normale pasi janë mësuar që herë me këtë ide. Në të kundërt, gjatë këtyre viteve komunikimi mes mesazheve është normaliteti i ri.
Dr Elena Touroni, një psikologe konsulente, shpjegon se për shkak se të rinjtë nuk e zhvilluan zakonin e të folurit në telefon, “tani ndihet e çuditshme pasi nuk konsiderohet si normale“. Kjo mund t’i bëjë të rinjtë të kenë frikë nga më e keqja kur telefoni i tyre fillon t’u bjerë zile ose thjesht nis të dridhet, pasi shumë të paktë janë 18-34 vjeçarët që e mbajnë telefonin me zile.
Më shumë se gjysma e të rinjve që u përgjigjën në sondazhin e Uswitch pranuan se mendonin se një telefonatë e papritur do të thotë lajm i keq. Psikoterapistja Eloise Skinner shpjegon se ankthi rreth telefonatave vjen nga “një shoqërim me diçka të keqe – një ndjenjë frike“.
Edhe pse përdorimi i telefonatave ka rënë ndjeshëm midis brezit të ri, përdorimi i mesazheve zanore ka filluar të jetë më i përdorur. Në sondazhin e Uswitch, 37% e moshave 18-34 thonë se mesazhet zanore janë mënyra e preferuar e komunikimit. Në krahasim, vetëm 1% e 35-54-vjeçarëve preferojnë mesazhet zanore në vend të një telefonate.
Por në çfarë mase fillon të ndikojë fobia e telefonatave në jetën tuaj personale në jetën tuaj të punës?
Në jetën e punëspranimi i telefonatave është ankth më vete, pasi ai lidhet me bisedat në kohë reale, vështirësitë në kuptim, mospasja e përgjigjeve dhe presioni për t’u përgjigjur menjëherë, që i bëjnë këto persona të urrejnë të flasin në telefon.
