Përdoruesit e serisë më të re të iPhone 16 kanë raportuar se po hasin disa probleme me pajisjet e tyre, kryesisht në iPhone 16 Pro. Me sa duket në disa modele 16 Pro prekja e ekranit nuk regjistrohet gjithmonë.
Në këtë mënyrë funksionaliteti pengohet nëpërmjet mosregjistrimit të rrëshqitjeve apo prekjes së ekranit. Problemi po vërehet si në iOS 18 ashtu edhe në iOS 18.1. Besohet se këtu duhet fajësuar algoritmi “palm rejection”, sepse problemi është më i përhapur rreth skajeve të ekranit, veçanërisht rreth butonit të ri “Camera control”.
Softueri ndonjëherë injoron prekjet pranë skajeve për një kohë të shkurtër pasi pjesët e tjera të ekranit të kenë rënë në kontakt me dorën tuaj. Disa spekulojnë se arsyeja se algoritmi injoron në mënyrë kaq agresive prekjet në skaje janë kornizat më të holla, dhe një zgjidhje më tepër efektive është përdorimi i një kase mbrojtëse.
Në këtë mënyrë, ka më pak gjasa që dora të prekë skajin e ekranit dhe do të funksionojë normalisht. Është mjaft interesante se problemi nuk vërehet kur ekrani i telefonit është i kyçur, duke sugjeruar se është një problem softueri, që nga ana tjetër do të thotë se Apple ka të ngjarë të bëjë një rregullim të shpejtë me përditësimin e ardhshëm të softuerit. Deri atëherë, përdorimi i kasës është mbrojtja juaj më e mirë kundër algoritmit të prekjes aksidentale.
