Samsung Galaxy S23 FE është produkti më i ri në serinë S23 dhe synon t’ju japë përvojën më të mirë Galaxy për çmimin. Cilësia e tij e prodhimit, shërbimet e produktivitetit dhe fuqia e përgjithshme e bëjnë S23 FE një produkt të denjë për serinë S23. Sigurisht, ka disa gjëra ndryshe nga smartphone-t e kësaj serie flagship, si proçesori pak më i vjetër dhe korniza pak më të trasha rreth ekranit, por këto mund të anashkalohen lehtësisht duke pasur parasysh koston e këtij smartphone-i. Pak dite më parë, Geek Room e mori për ta testuar dhe sot sjellim për lexuesit tanë një përshkrim të këtij modeli.
Madhësi e rehatshme dhe materiale cilësore
Galaxy S23 FE përdor formatin e njohur drejtkëndor të rrumbullakosur që i ngjan shumicës së anëtarëve të familjes Galaxy S23, me përjashtim të S23 Ultra. Në pjesën e përparme ka një ekran 6.4 inç me korniza të holla përreth, por jo aq sa S23 +. Sigurisht që paneli OLED ofron refresh rate 120Hz dhe ndriçim maksimal prej 150 nits.
Korniza e aluminit mat është paksa e rrumbullakosur, gjë që e bën të ndihet e rehatshme në dorë. Gorilla Glass 5 mbron pjesën e përparme dhe të pasme. Edhe pse ky është një version më i përballueshëm i Galaxy S23, S23 FE ndihet si një pajisje flagship falë materialeve të metalit dhe xhamit të përdorura për të krijuar një pajisje të fortë dhe të veçantë. Ky model do të vijë në ngjyrat Cream, Purple, Graphite, Mint, Indigo dhe Tangerine.
Imazhe dhe video plot detaje
S23 FE ka në pjesën e pasme 3 kamera të renditura njëra pas tjetrës: ajo kryesore 50MP me OIS, ultrawide 12MP dhe ajo telephoto 8MP. Software-i së bashku me AI në këtë pajisje ndihmojnë kamerat të shkrepin fotografi dhe video cilësore dhe plot detaje, të cilat për shijet e disa personave mund të jenë pak më tepër të saturuara.
S23 FE mund të regjistrojë video deri në 8K24fps nëpërmjet kamerave të pasme dhe video 4K60fps nëpërmjet kameras selfie. Për fat të keq nuk ka stabilizim optik në kameran selfie, megjithatë vetë stabilizimi bëhet në mënyrë elektronike.
Proçesor më i vjetër por me performancë mjaft të mirë
Ky smartphone fuqizohet nga gjenerata e 1 e Snapdragon 8, i cili ishte proçesori më i mirë i vitit 2022 dhe është i përdorur në pajisje flagship si në serinë Galaxy S22. Pavarësisht “moshës”, ky proçesor ofron një performancë shumë të mirë, pothuajse të njejtë me Galaxy S3.
S23 FE ofron gjithashtu përdorimin e disa aplikacioneve njëkohësisht, duke nxitur produktivitetin e përdouresve. Pajisja vjen me një bateri 4,500mAh që mund të karikohet shpejt me karikuesen 25W, si dhe wireless deri në 15W.
Për sa i përket ndërlidhjes, ky smartphone ofron akses në rrjetin 5G, Wi-Fi 6E dhe Bluetooth 5.3, si dhe suport për eSIM.
Përditësime të garantuara për 5 vite
Galaxy S23 FE do të vijë me Android 13 dhe do të përditësohet me 4 versione të reja OS si dhe do të mbetet i sigurtë falë përditësimeve të sigurisë për 5 vite. Ky është një avantazh shumë i madh për të gjithë personat që janë të interesuar për të blerë këtë smartphone.
Samsung Galaxy S23 FE tani i disponueshëm për porosi paraprake edhe në Shqipëri
Galaxy S23 FE tani është i disponueshëm për porosi paraprake me një çmim promocional prej 73,999 Lekë. Gjithashtu, ju përfitoni dhuratë kufjet Galaxy Buds FE për çdo porosi paraprake të një smartphone-i Galaxy S23 FE. Oferta promocionale zgjat nga 1.12. deri më 14.12.2023. ose deri në mbarim të stokut. Për më shumë informacion rreth ofertave Samsung, vizitoni link-un.
