Gjatë dekadës së ardhshme, sipas parashikimeve të caktuara, ka 25% mundësi për një shpërthim të një pandemie të re të quajtur “Sëmundja X”, e cila do të përhapet në një shkallë të ngjashme me COVID-19.
Mund të jetë grip ose koronavirus – ose diçka krejtësisht e re. Covid-19, natyrisht, infektoi dhe vrau miliona njerëz në mbarë botën, kështu që është një perspektivë e frikshme.
Pra, a mund të ndihmojë AI për ta lehtësuar atë?
Studiuesit në Kaliforni po zhvillojnë një sistem paralajmërimi të hershëm të bazuar në AI që do të ekzaminojë postimet e mediave sociale për të ndihmuar në parashikimin e pandemive të ardhshme. Kërkimi nga studiuesit “synon të identifikojë, modelojë, parashikojë, gjurmojë dhe zbusë efektet e pandemive të ardhshme”.
Projekti bazohet në punën e mëparshme nga studiuesit e UCI dhe UCLA, duke përfshirë një bazë të dhënash të kërkueshme prej 2.3 miliardë postimesh në Twitter të mbledhura që nga viti 2015, për të monitoruar tendencat e shëndetit publik. Prof Chen Li është bashkë-drejtues i projektit në Departamentin e Shkencave Kompjuterike të UCI-së, së bashku me Dr Wei Wang në Shkollën e Inxhinierisë Samueli të UCLA.
Li thotë se ata kanë mbledhur miliarda tweets në X, i njohur më parë si Twitter, gjatë viteve të fundit. Mjeti funksionon duke kuptuar se cilat tweet janë kuptimplotë dhe duke trajnuar algoritmin për të ndihmuar në zbulimin e shenjave të hershme të një pandemie të ardhshme, parashikimin e shpërthimeve të ardhshme dhe vlerësimin e rezultateve të mundshme të politikave specifike të shëndetit publik, sipas Li.
“Ne kemi zhvilluar një model machine learning për identifikimin dhe kategorizimin e ngjarjeve të rëndësishme që mund të jenë tregues të një epidemie të ardhshme nga postimet në mediat sociale.” Mjeti, i cili mund të përdoret në departamentet e shëndetit publik dhe spitalet, gjithashtu mund të “vlerësojë efektet e trajtimeve në përhapjen e viruseve“.
Megjithatë, situata nuk është kaq e thjeshtë. Për shembull, kërkimi mbështetet në platformën X, e cila është jo e aksesueshme në disa vende. “Disponueshmëria e të dhënave jashtë SHBA-së ka qenë e përzier,” pranon Prof Li. “Deri më tani fokusi ynë ka qenë brenda SHBA-së. Ne po punojmë për të kapërcyer mungesën e të dhënave dhe paragjykimet e mundshme kur zgjerojmë mbulimin në rajone të tjera të botës.”
“Mund të jetë mirë për…prodhuesit e vaksinave, dhe gjithashtu për njerëzit që përpiqen të identifikojnë terapitë, veçanërisht antitrupat për të marrë disa njohuri që herët mbi të cilat mund të shfaqen mutacione edhe në të ardhmen.”
