OnePlus ka pasur gjithmonë prioritet të ketë procesorin më të fundit dhe më të mirë në telefonat e tij kryesorë dhe nuk humbi kohë duke njoftuar OnePlus 13 me Snapdragon 8 Elite të ri. Telefoni më i mirë OnePlus vjen me një vlerësim IP69 dhe një bateri më të madhe karbon-silikon 6,000 mAh. Ndërsa për momentin OnePlus 13 është lançuar në Kinë, ai do të vijë në tregjet globale në muajt e ardhshëm.
Duke filluar me ekranin, OnePlus 13 heq harkimet e paraardhësve të tij dhe kalon në një strukturë 2.5D. Ekrani duket i sheshtë, por ka harkime delikate në të gjitha anët. Si rezultat, OnePlus 13 është pak më i shkurtër se paraardhësi i tij, ndërsa ende mburret me një diagonale 6.82 inç. OnePlus 13 merr ekranin kryesor të BOE X2 OLED. Është një panel OLED 8T LTPO me rezolucion 1440p dhe një ritëm rifreskimi 1-120 Hz. Ndriçimi tipik tani vlerësohet në 800 nits, ndërsa ndriçimi maksimal arrin në 4500 nit.
Shtesa tjetër e re është skanuesi me ultratinguj i gjurmëve të gishtërinjve. OnePlus po sjell një vlerësim të përditësuar IP69, i cili po bëhet trend në smartphonet kinezë flagship. Ai përmirëson vlerësimin IP68 duke përfshirë mbrojtje kundër likideve me presion të lartë dhe pastrimit me avull. Një tjetër shtesë është dhe motori i ri i vibrimit. Me një madhësi 602 mm³, OnePlus pretendon se ky është motori më i madh i vibrimit i vendosur ndonjëherë në një telefon Android.
Pjesa e pasme e OnePlus 13 përmban 3 kamera 50 MP të markës Hasselblad. Kamera kryesore përdor një sensor Sony LYT-808 me OIS, ndërkohë që shoqërohet nga kamera periskopike me zmadhim optik 3x (LYT-600). Kamera e tretë është një kamerë ultrawide me sensorin S5KJN5 të Samsung, i cili mund të përdoret dhe si kamera makro.
Një faktor tepër i rëndësishëm në këtë smartphone është dhe bateria me materiale silikoni-karboni që ka kapacitet 6,000 mAh dhe mund të karikohet deri në 100 W me kabllo dhe 50 W wireless.
OnePlus 13 vjen në ngjyrat e White, Obsidian dhe Blue. Shitjet në Kinë fillojnë më 1 nëntor, ndërsa disponueshmëria ndërkombëtare do të detajohet në një moment të mëvonshëm.
