Gjatë dekadës së fundit ose një periudhe akoma dhe më të gjatë, Google ka lëshuar përditësime kryesore të Android në vjeshtë pas një procesi të zgjatur për zhvilluesit dhe testimit në versionin beta, por për vitin 2025, të paktën, kjo po ndryshon.
Tani, Google po planifikon lëshimin e tij të ardhshëm madhor për tremujorin e dytë në vend të tremujorit të tretë, duke konfirmuar një raport të fundit nga Android Authority për Android 16, i cili do të mbajë emrin e koduar “Baklava”.
Njoftimi thotë se kjo “do të përputhet më mirë me lançimin e pajisjeve të reja në ekosistemin tonë, në mënyrë që më shumë pajisje të mund të marrin më shpejt versionin më të ri të Android“.
:format(webp)/cdn.vox-cdn.com/uploads/chorus_asset/file/25708578/image2.png)
Ndryshime të tjera për të cilat Google flet sot përfshijnë përmirësimet në Play Store, ku përdoruesit mund të ndajnë preferencat për rekomandime më të mira për aplikacionet e reja, ashtu siç mund të kishin tashmë për lojërat, dhe në zhvillim, ku Google po shton më shumë veçori Gemini AI në Android Studio për të “shkruajtur apo dokumentuar” kodin në aplikacione.
Kjo datë e re për përditësimin e sistemit operativ zgjidh një problem me ekosistemin e Android që kemi diskutuar që të paktën që nga viti 2016, me telefonat e palëve të treta që presin muaj ose më shumë për të marrë përditësimet më të fundit. Sigurisht, telefonat Google Pixel kanë qenë të parët për marrë përditësimet më të fundit, por çfarë ndodh me të gjithë të tjerët?
Prezantimi në këtë periudhë mund ta bëjë më të lehtë për më shumë prodhues të lëshojnë pajisje të reja me aftësitë më të fundit të disponueshme që nga dita e parë në vend që të presin përditësimet e ardhshme për të shtuar gjëra të tilla si “Circle to Search“.
