Një kompani e re shqiptare e zhvillimit të lojërave e quajtur Tika Studios sapo ka lançuar video-lojën e parë “Carnival of Souls”. Kjo lojë FPS dhe roguelike premton të sjellë një përvojë unike dhe të mbushur me adrenalinë për të gjithë fansat e lojërave të aksionit dhe aventurës, të cilët mund ta provojnë në një version “early access” të ofruar në platformën Steam.
Në Carnival of Souls, lojtarët zhytën në një botë misterioze, ku përballen me krijesa të çuditshme dhe sfida të frikshme që kërkojnë strategji dhe zhdërvjelltësi të lartë. Për çdo round të lojës, lojtarët përballen me një konfigurim të ri të arenave dhe armiqve, duke ofruar kështu një eksperiencë të ndryshme në çdo hap të lojës.
“Carnival of Souls përfaqëson përkushtimin tonë për të sjellë lojëra të përpunuara dhe të mbushura me emocion për lojtarët e të gjitha niveleve. Me çdo aventurë të re, synojmë të sfidojmë imagjinatën dhe t’i bëjmë lojtarët të zbulojnë aftësitë e tyre deri në kufi.” u shprehën themeluesit e Tika Studios.
Strategjia e Tika Studios për të bërë lojën të aksesueshme në një version “early access” është mjaft i mirë, pasi në këtë mënyrë lejon komunitetin e lojtarëve të ketë një ndikim të drejtpërdrejtë në zhvillimin e mëtejshëm të lojës. Loja është dizajnuar të jetë një platformë për inovacion dhe përmirësim të vazhdueshëm, duke përfshirë feedback-un e drejtpërdrejtë nga lojtarët e saj.
Ndër karakteristikat e veçanta që e bëjnë këtë lojë kaq interesante mund të përmendim:
- Lojë FPS dhe roguelike me sfida të papritura që kërkojnë zhdërvjelltësi.
- Arenat dhe armiqtë e përditësuar për një përvojë të re në çdo rund.
- Aftësi dhe fuqizime të shumta për t’u zbuluar dhe përdorur në lojë.
- Dizajn unik nga një ekip i përkushtuar shqiptar, duke sjellë përmbajtje të freskët në skenën globale.
Me një përkushtim ndaj cilësisë dhe përvojës unike të lojtarëve, Carnival of Souls synon të bëhet një titull që do të lërë gjurmë në skenën e zhvillimit të lojërave në Shqipëri.
Për më shumë informacione dhe për të provuar lojën, vizitoni faqen e lojës në Steam këtu ose kontaktoni Tika Studios në adresën [email protected].
