Rreth 1 muaj para se të kryhet lançimi zyrtar i Nothing Phone (1), kompania ka publikuar disa pamje të reja të smartphone-it të parë të saj për një audiencë private në Art Basel. Sigurisht, duke ndjekur linjën e dizajnit të kompanisë, Nothing Phone (1) vjen me një xham të pasëm transparent me një dizajn unik mekanik të përbërë nga mbi 400 komponentë.
Kornizat e forta dhe të lehta janë të krijuara nga alumini 100% i ricikluar, ndërkohë që 50% e pjesëve plastike të smartphone-it janë materiale të ricikluara. Drejtuesi i ekipit të dizajnit, Adam Baines, tergon se ka marrë inspirim nga artistë si Massimo Vignelli i cili dizenjoi hartën e metrosë së New York dhe e bëri këtë sistem kompleks të duket si një art i vërtetë.
Butoni anësor, skajet e drejta dhe dy kamerat e pasme duken të jenë mjaft të ngjashme me iPhone 12. Në hapësirën transparente të xhamit të pasëm ne mund të shikojmë dhe spiralet prej bronzi që mundësojnë karikimin wireless të smartphone-it dhe brandimin “Nothing” në pjesën e poshtme.
Carl Pei, themeluesi dhe CEO i Nothing, ka deklaruar se smartphone-i do të fokusohet kryesisht në software dhe do të përdorë një version të veçantë Android të mbështetur nga një proçesor Qualcomm Snapdragon.
Nothing Phone (1) do të prezantohet zyrtarisht në datën 12 korrik në eventin “Return to Instinct”.