Raportimet më të reja tregojnë se Apple po punon për të zhvilluar një teknologji të re e cila do të bëjë të mundur që iPhone dhe iPad me ekran të palosshëm të plaosen automatikisht kur bien nga duart e përdoruesve për të minimizuar dëmtimin.
Ky informacion bëhet i ditur pasi Apple ka bërë një aplikim të ri për patentim të quajtur “Self-Retracting Display Device and Techniques For Protecting Screen Using Drop Detection”. Gjigandi i teknologjisë ka aplikuar për patentimin e një sistemi që do të mundësojë mbylljen e ekranit të palosshëm në bazë të mekanizmit të integruar në trupin e pajisjes.
Madje në disa raste ekrani mundet dhe të shkëputet nga pajisja në varësi të mekanizmit të përdorur, në mënyrë që të mbrojë ekranin.
“Pajiset telefonike me ekran të palosshëm dhe të rrotullueshëm mund të përdorin një sensor për të verifikuar përshpejtimin vertical për të zbuluar nëse pajisja po bie në tokë.” lexohet në patentim. “Nëse sensori zbulon se pajisja po bie… pajisja e palosshme mund të mbyllet pjesërisht për të mbrojtur ekranin delikat nga përplasja direkte me tokën.”
