Samsung shpenzon rreth $469 për të prodhuar një Galaxy S23 Ultra me memorie 8/256GB, sipas përllogaritjeve të kryera nga Counterpoint. Pjesët më të shtrenjta të këtij smartphone-i janë proçesori, ekrani si dhe sistemi i kamerave.
Galaxy S23 Ultra përdor një version të veçantë të proçesorit Snapdragon 8 Gen 2, i cili është prodhuar nëpërmjet proçesit 4nm të TSMC. Këta proçesorë u përzgjodhën nga Samsung për të përmirësuar mbështetjen e valëve, për të rritur performancën e CPU dhe GPU si dhe për të përmirësuar jetëgjatësinë e baterisë. GPU suporton gjithashtu raytracing dhe arrin shpejtësitë 39MHz.
Vetë Samsung është prodhuesi ekskluziv i memories 256GB NAND Flash si dhe ekranit 6.8” AMOLED për S23 Ultra. Ekrani mund të arrijë ndriçimin maksimal 1750 nits, ka një rezolucion 1440 x 3088p dhe refresh rate 120Hz.
Në segmentin e kamerave përdoren pjesë nga Samsung dhe Sony. Samsung ofron sensorët 200MP kryesore dhe atë selfie 12MP, ndërkohë që Sony ofron sensorët për kamerat ultrawide 12MP dhe atë telephoto 10MP.
Menaxhimi i energjisë që suportojnë rregullimin e energjisë për ekranin dhe komponentët të tjerë është siguruar nga Silicon Mitus dhe Maxim. E gjithë strategjia e Samsung dhe përzgjedhja e komponentëve bëhet në bazë të efiçiencës në kosto për një produkt premium.
