Gjigandi kinez i smartphone-ve Oppo ka vendosur të bashkëpunojë me studion japoneze të dizenjimit Nendo për të krijuar një smartphone futuristik që mund të paloset në disa mënyra të ndryshme në varësi të qëllimit të përdorimit.
Ky telefon me rrëshqitje përbëhet nga disa njësi ekrani të palosshëm: falë një mekanizmi me mentesha të shumta, ju mund të organizoni dhe zgjidhni madhësinë e pajisjes, duke kryer të gjitha llojet e aktiviteteve pa qenë nevoja ta hapni plotësisht. Veprime të thjeshta si kontrolli i emailit, kryerja e një telefonate ose lundrimi në harta mund të kryhen si në një ekran të vogël ose dhe në një ekran më të madh, gjithmonë duke përdorur të njëjtën pajisje dhe sipas nevojave të momentit.
Tani për tani, projekti është ende një koncept, por përfaqëson mirë një qasje kreative dhe dizenjuese larg asaj që jemi mësuar të shikojmë nga kompanitë e mëdha të teknologjisë gjatë viteve të fundit. “Dizajni hap mundësi të reja për telefonat inteligjentë, për përdorimin e tyre jo vetëm kur janë plotësisht të palosur ose të hapur, por edhe kur janë pjesërisht të shpalosur ose kur janë të përkulur“, tha Oki Sato.
