Nëse ju jeni një fans i vërtetë i produkteve Apple, duhet ta dini se ato zakonisht vijnë me 2 stickers që kanë logon e Apple në kuti. Mirëpo kësaj here do të ketë një ndryshim: nëse blini një iPhone 16 ose iPhone 16 Pro, këto stickers nuk do t’i gjeni më në kuti.
Në mesazhet e shpërndara drejt punonjësve të Apple Store këtë javë dhe të parë nga 9to5Mac, Apple konfirmoi se iPhone 16 nuk do të vijë me stickers Apple në kuti. Në vend të kësaj, kompania thotë se ngjitësit do të jenë në dispozicion vetëm për blerësit e iPhone 16 që i kërkojnë këto stickers.
Pra, nëse blini një iPhone 16 nga një Apple Store, mund të kërkoni një sticker Apple në momentin e blerjes, dhe punonjësit e dyqanit do t’jua japin këtë sticker. Shitësit me pakicë dhe partnerët e palëve të treta nuk kanë ngjitëse Apple për t’i shpërndarë dhe ju gjithashtu nuk mund t’i merrni ato nëse porosisni një iPhone 16 në shtëpinë tuaj.
Ndryshimet janë pjesë e synimeve mjedisore të Apple dhe përpjekjeve të vazhdueshme për t’u bërë neutral ndaj karbonit deri në vitin 2030. Këtë vit, Apple deklaroi në mënyrë specifike se paketimi i iPhone 16 dhe iPhone 16 Pro është tërësisht i bazuar në fibra, duke e sjellë atë më afër qëllimit të tij për të hequr të gjithë plastikën nga paketimi deri në vitin e ardhshëm.
Dhe pse kjo shënon fundin e një epoke, nuk është një befasi. Kur Apple Vision Pro u lançua në shkurt, blerësit shpejt vunë re se nuk kishte stickers në kuti. iPad Pro dhe iPad Air i ri, të cilët debutuan në maj, gjithashtu nuk përfshijnë stickers në kuti.
