Përmes përditësimit të ri të iOS 17.2 Apple do të sjellë mbështetje për standardin e karikimit wireless Qi2 për smartphone-t e serive iPhone 13 dhe iPhone 14.
Apple thotë se iPhone 15 dhe 15 Pro tashmë mbështesin Qi2, megjithëse në fakt nuk ka ende asnjë karikues Qi2 për të blerë (që mund të ndryshojë së shpejti). Qi2 shton një unazë magnetësh të ngjashme me MagSafe në standardin e karikimit me valë Qi dhe e sjell shkallën e karikimit deri në 15 W. Për telefonat Android, kjo do të thotë një karikim pa kabllo më i shpejtë, më i përshtatshëm dhe akses në ekosistemin e madh të karikuesve wireless magnetikë që janë shfaqur për të mbështetur iPhone MagSafe.
Për iPhone, do të thotë karikim me shpejtësi MagSafe pa paguar çmime MagSafe. Tani për tani, nëse karikoni një iPhone me një karikues wireless magnetik që nuk është i certifikuar nga MagSafe, shpejtësia e karikimit shkon deri në 7,5 W, por nëse përdorni një karikues të certifikuar nga MagSafe (i cili është më i shtrenjtë se karikuesit e tjerë), ju do të karikoni në shpejtësi deri në 15 W.
Nuk dihet ende se cilat janë shpejtësitë e karikimit që do të merrni kur futni një iPhone 13 ose 14 në një karikues Qi2.
Pritet që iOS 17.2 të vijë drejt të gjithë përdoruesve gjatë kësaj jave. Përditësimi shton gjithashtu aplikacionin Journal, aftësinë për telefonat iPhone 15 Pro për të kapur video hapësinore, një rregullim për problemet e karikimit me valë të iPhone 15 në makina të caktuara, një cilësim që ju lejon të ndryshoni tingullin e paracaktuar për njoftimet dhe më shumë.
Ju mund të lexoni më tepër rreth këtyre shërbimeve këtu.
