Ndërsa fansat e iOS dhe Android shpesh fillojnë “të debatojnë” se cili ekosistem vjedh më shumë shërbime nga tjetri, Apple më në fund po shton një shërbim në iOS që në Android debutoi për herë të parë 15 vjet më parë.
Për herë të parë, iOS 18 do t’i lejojë përdoruesit të riorganizojnë më lirshëm ikonat e aplikacioneve në home screen, duke krijuar kolona boshe, rreshta boshe dhe hapësira pa ikona midis aplikacioneve. Sigurisht ikonat do të ndjekin një rregull renditje (home grid) si në Android, por aplikacionet nuk do të lëvizin më automatikisht për të mbushur hapësirat boshe. Aftësia për të lëvizur ikonat në çdo vend duke lënë hapësira të hapura ka qenë e pranishme në Android që nga fillimi. Lajmi u raportua fillimisht nga MacRumors, i cili citoi një njoftim më të paqartë nga Bloomberg që fliste për një home screen “më të personalizueshëm“.
Nëse kjo është me të vërtetë e vërtetë, numri i shërbimeve të reja që do të ofrohen në iOS 18 do ta bëjnë këtë përditësim mjaft të rëndësishëm për përdoruesit e Apple. Në të njëjtin buletin që flitej për këtë ndryshim, Mark Gurman i Bloomberg vuri në dukje se “sistemi i ri operativ shihet brenda kompanisë si një nga përditësimet më të mëdha të iOS – nëse jo më i madhi – në historinë e kompanisë.”
Javën e kaluar, Bloomberg zbuloi se edhe pse Apple ka modelet e veta të AI, kompania thuhet se është në bisedime për të sjellë Gemini të Google në iPhone më vonë këtë vit. Përveç përmirësimeve të reja të inteligjencës artificiale, ka gjithashtu të ngjarë që iOS 18 më në fund të sjellë mesazhe RCS në pajisjet Apple.
Jo vetëm që RCS do të bëjë të mundur dërgimin e fotografive dhe videove me rezolucion më të lartë midis telefonave Android dhe iPhone , por do të shtojë mesazhe audio, tregues “typing”, read receipts dhe më shumë. Apple pritet të prezantojë iOS 18 në WWDC, konferencën e saj vjetore të zhvilluesve, në 10 qershor.
