Një bug i çuditshëm në iOS po vjedh MB nga paketa e internetit ndaj nëse kohët e fundit oferta po të mbaron më shpejt se zakonisht, ndoshta nuk ta ka fajin Instagrami.
Bug-u ka prekur shumë modele të iOS 13, duke shkaktuar humbje të kotë njësish, të cilat edhe nëse i ke pa limit, shkaktojnë një rrjedhje e cila ndikon në shpejtësi navigimi.
Ja si ta kontrollosh nëse ti je i prekur:
Settings > Cellular dhe shko poshtë tek Cellular Data.
Kërko për frazën “Uninstalled Apps” , anash tregon sasinë e MB të konsumuar.
Zbrit në fund fare dhe kliko tek “Reset Statistics”
Pas ca ditësh rikontrolloje, nëse numri anash “Uninstalled Apps” ka dalë jashtë kontrollit atëhere edhe ti e ke këtë problem.
Apple ka njoftuar se është në dijeni të problemit dhe po punon për zgjidhjen e tij.
Ndërkohë zgjidhja e vetme është që në momentin kur nuk e përdor smartphonin të mbyllësh edhe lidhjen me internetin, të paktën të kursesh ndonjë gjë.
