Masat janë lehtësuar por Covid-19 është akoma në qarkullim, ndaj jeta normale do të vonojë pak. Imagjino të dalësh në takim me dikë por ke frikë nga koronavirusi, nuk është se do lëvizësh me aparatin e matjes së temperaturës me vete, apo më keq termometrin e sqetullës, ndaj ose do pranosh rrezikun ose vetëm për tërë jetën.
Krejt e pritshme që bota të prezantohet me smartphonë me sensorë temperature dhe ndaj pikërisht këtë ka bërë Honor me Play 4 Pro e ri.
Një video në Weibo-n e kompanisë tregon një aparat të aftë për të matur temperaturën kur drejtohet tek balli apo kyçi i njerzve. Smartphonët janë prezantuar në Kinë dhe për momentin nuk ka informacione për plane globale.
Sigurisht që dobia e tij varet nga efikasiteti dhe kompania vetë deklaron se sensori punon midis temperaturave -20° deri në 100° celcius, çka është më se e mjaftueshme për standartin njerëzor.
Veç termometrit Honor Play 4 do të jetë një familje smartphones mid-range. Modeli më i lirë Play 4 do të ketë një proçesor MediaTek Dimensity 800, 6GB RAM dhe 4 kamera. Ai më i shtrenjtë Play 4 Pro do të ketë Kirin 990, 8GB RAM dhe vetëm 2 kamera. Të dy do të kenë 5G dhe ekrane 1080p.
Honor Play 4 Pro me sensor temperature do të jetë i disponueshëm në Kinë për CNY 2999 ($421), ai pa sensorin CNY 2899 ($407).
