Ideja e një makine që ecën vetë na ka mahnitur që në fillimet e saj e deri më sot që e shohim tek kompani të shumta. Gabimet ama sado të minimizuara janë prezente, kostot vendosin nëse duam të vazhdojmë t’i mbajmë apo jo.
Një Tesla dështoi të frenonte përpara një kamioni të përmbysur në mes të autostradës ndërkohë që ishte nën kontrollin e autopilotit. Shoferi për fat ka shpëtuar pa dëmtime, por kjo nuk duket mirë për kompaninë.
Pas një numri të caktuar përsëritjesh të incidenteve Tesla ka shtuar lajmërime zyrtare të cilat thonë se pavarsisht emrit të tij autopiloti nuk është për të fjetur gjumë apo për të mos e patur mendjen fare. Kërkohet akoma që vëmendja e shoferit të jetë e gatshme, nëse duhet marrë kontrolli manual për çdo rast.
Por fatkeqësisht për zotin Huang as kjo nuk shkoi aq mirë.
Shoferi i kësaj Tesla deklaron se kur u bë e qartë se makina e tij nuk do të reagonte ndaj kamionit, ai shkeli frenat dhe kjo vërtetohet nga tymi. Sipas kamerave të Autostradës Nacionale 1 në Taiwan, makina ishte duke vozitur me një shpejtësi prej 110kmh dhe koha e frenimit manual nuk mjaftoi për ta shmangur goditjen.
Nuk kemi akoma një arsye të saktë të këtij incidenti, mbetet e paqartë përse një sistem aq efikas si ai i pilotit automatik të Tesla nuk arriti ta shmangë pengesën.
E cila ishte edhe mjaft e madhe në dimension, ndaj vështirë të mos e ketë parë.
Ky nuk është incidenti i parë i Tesla, por kësaj radhe shoferi nuk ishte totalisht pa mendje. Për fat Tesla punon vazhdimisht për të përditësuar software ndaj çfarëdo gabimi në program, shpresojmë të rregullohet sa më parë.
