Nothing ka folur vazhdimisht për smartphone-in e ri Nothing (2) që nga eventi MWC 2023, ku kompania tregoi se kjo pajisje do të fuqizohet nga proçesori Snapdragon 8+ Gen 1. Deri më tani ne kemi mësuar se Phone (2) do të jetë një pajisje më premium e cila pritet të prezantohet gjatë kësaj vere.
Gjatë kohëve të fundit kemi parë akoma më tepër specifika të bëra leak nëpër portale të ndryshme.
Phone (2) me shumë mundësi do të shoqërojë proçesorin Snapdragon 8+ Gen 1 me 8 ose 12GB RAM LPDDR5 si dhe 128/256GB internal storage UFS 3.1. Ekrani AMOLED pritet të ketë madhësi 6.55” me rezolucion FHD+, së bashku me refresh rate 120Hz dhe një skanues të shenjës së gishtit nën ekran.
Për sa i përket kamerave, besohet se kamera kryesore do të ketë një rezolucion 50MP dhe stabilizim optik, ndërkohë që të pranishme do të jenë dhe 2 kamera të tjera: një ultrawide dhe ndoshta një macro.
Përdoruesit e këtij smartphone-i nuk do të shqetësohen shumë për baterinë e smartphone-it, pasi ai është i pajisur me bateri 5,000mAh si dhe karikohet shpejt me kabllo si dhe wireless. Që të gjitha këto shërbime do të ofrohen brenda një trupi me ndjesi shumë premium, falë anësive prej alumini dhe pjesës së pasme me xham.
