PUBG, Asphalt apo çfarëdo loje tjetër serioze mobile janë të këndshme kur luhen në smsrtphone, por le ta pranojmë ekranet nuk zëvendësojnë dot preçizionin e butonave fizik.
Prandaj të gjithë e kemi menduar blerjen e një leve për smartphonin, por teksa kërkon versionin më të besueshëm poshtë e lartë nëpër AliExpress, më mirë tu besosh profesionistëve.
Razer Kishi është një set i cili fiksohet në smartphonin tënd, lidhet me USB-C dhe të mundëson dy leva me butona fizik. Moduli ka një pjesë elastike e cila hapet për tu përshtatur me çfarëdolloj smartphoni por edhe për suport prapa. 2 analogë, dhe katër sete butonash, anash për gishtin e madh dhe lart përpara për gishtin tregues.
Dhe në pëfundim një dalje USB për të karikuar smartphonin në kushtet më kritike.
Fakti që aparati lidhet direkt me portën C tregon epërsi ndaj lidhjeve me Bluetooth të cilat konsumojnë bateri por edhe rrezikojnë të shkëputen.
Gjarpri me tre koka i Razer ka dëshmuar cilësi, ndaj shpresojmë që edhe këtë herë të mos zhgënjehemi.
Për momentin ka dalë në shitje për $80 vetëm versioni për Android një tjetër për iPhone është rrugës.
