Llogaria në X e një ndër video-lojrave më të kërkuara të momentit, Black Myth: Wukong, tregoi se deri ditën e premte kishte shitur 10 milionë kopje “në të gjitha platformat”.
Loja aksion u lançua globalisht të martën dhe shijoi një nga ditët më të mira të hapjes, e matur nga numri i lojtarëve në platformën e lojërave Steam, dhe shiti afro 1.2 milionë kopje pre-release. Shifrat rivalizojnë ato të “Legend of Zelda: Tears of the Kingdom”, i cili shiti më shumë se 10 milionë kopje në mbarë botën në tre ditë pas prezantimit të tij në maj 2023.
E konsideruar si video-loja e parë “Triple A” e zhvilluar nga kinezët, një term i përdorur për të përshkruar prodhime të mëdha, me buxhet të lartë dhe të pavarur, loja është frymëzuar nga romani klasik kinez i shekullit të 16-të “Journey to the West“.
Lojtarët hyjnë në këpucët e një personazhi të ngjashëm me Mbretin Majmun Sun Wukong, një figurë kryesore në histori. Disa lojtarë janë ankuar se bashkë-publikuesi Hero Games u dërgoi udhëzime transmetuesve të huaj duke i nxitur ata që të mos diskutonin tema të prekshme politikisht si Covid-19 ose feminizmi.
Lojtarët u paralajmëruan gjithashtu të mos bënin referime për “Covid-19″, “izolim” ose “karantinë“, siç u tregua nga një email – me gjasë një referencë ndaj politikave të periudhës së pandemisë në Kinë që vendosi miliona nën izolime arbitrare dhe ndezi trazira civile.
