Shumë influencues të mediave sociale po “luftojnë” me gazetarët për akses, prestigj dhe hapësirë pune në një konventë kombëtare këtë javë ku Partia Demokratike në SHBA po shpreson në ndihmën e personazheve të njohur në rrjetet sociale për të rritur shanset presidenciale të Kamala Harris.
Konventa Kombëtare Demokratike ftoi më shumë se 200 “krijues të përmbajtjeve” për festën katër-ditore të kësaj jave të Harris në arenën United Center. Kjo është konventa e parë demokratike që njeh zyrtarisht fuqinë e përdoruesve të YouTube, TikTok dhe Instagram, shumica e të cilëve nuk ndjekin më lajmet në mënyrë tradicionale.
“Ne po u japim krijuesve një vend në rreshtin e parë drejt historisë,” tha Matt Hill, drejtor i lartë i komunikimit për konventën. Peizazhi i medias dhe informacionit ka ndryshuar në mënyrë të konsiderueshme që nga viti 2016, me rritjen e platformave të mediave sociale si TikTok, tha një zyrtar i konventës në mbështetje të vendimit.
Që nga viti 2023, 83% e të rriturve në SHBA përdorin YouTube, 68% përdorin Facebook, 47% përdorin Instagram dhe 33% përdorin TikTok, sipas Pew Research Center.
Influencerat marrin gjithashtu një trajtim “special”, pasi do të kenë një hapësirë të veçantë për të punuar dhe publikuar përmbajtjet e regjistruara gjatë konventës.
Para pak muajsh presidenti Biden firmosi një projektligj që do të ndalonte përdorimin e TikTok në SHBA nëse platforma nuk shitet brenda vitit. Sigurisht duket pak e çuditshme që tashmë kjo parti të kërkojë ndihmë nga të njëjtat mjete që dënon për të drejtuar një ndër shtetet më të fuqishme në botë.
Ky trend mund të vijë së shpejti dhe në Shqipëri pasi vitin e ardhshëm do të organizohen zgjedhjet parlamentare (ose ndoshta ka ekzistuar prej vitesh).
