Pas pothuajse 3 dekadash fokusimi në lojrat për konsolën PlayStation, PS Studios po mendon të futet në tregun e lojrave për smartphone.
Gjatë kësaj jave drejtuesi i PS Studios, Hermen Hulst lajmëroi përmes një postimi në blog se ka vendosur që të bëjë më tepër projekte në divizionin e ri PS Studios Mobile. Kjo lëvizje nga Sony vjen pas blerjes së zhvilluesit të lojrave për smartphone, Savage Gaming Studios.
Tregu i lojrave për mobile është tepër masiv dhe parashikimet nga IDC për këtë vit tregojnë se shpenzimet në lojrat për smartphone do të arrijnë vlerat $136 miliardë. Kjo vlerë është më tepër se gjysma e vlerës e të gjithë tregut të lojrave, dhe Sony mendon të marrë pjesën e saj të kësaj vlere përmes krijimit të lojrave për mobile.
Këto vendime vijnë në një kohë kur konsola PlayStation 5 është ende e vështirë për t’u gjetur dhe çmimet vazhdojnë të mbeten tepër të larta.
