Sipas informacioneve të fundit, OnePlus mund të hyjë së shpejti në tregun e pajisjeve portative gaming. Një imazh i supozuar i një pajisjeje të tillë me markën OnePlus është publikuar online, duke zbuluar edhe disa specifika kryesore. Imazhi u shpërnda fillimisht në Weibo nga tipster-i i njohur Digital Chat Station, megjithëse postimi më vonë u modifikua.
Pajisja duket se ka një dizajn të ngjashëm me një Nintendo Switch apo Play Station Portable, me mbajtëse anësore në ngjyrë vjollcë dhe butona “shoulder trigger”. Gjithashtu, ajo përfshin kamera të pasme me LED, një port USB Type-C në pjesën e poshtme dhe butona volumesh në anë. Edhe pse ruan disa elemente dizajni të telefonëve OnePlus, pajisja duket dukshëm më e trashë, çka sugjeron një fokus në performancë dhe ftohje më të mirë për gaming.
Sipas një burimi tjetër, Panda Is Bald, kjo pajisje pritet të ketë një ekran 8 inç dhe të fuqizohet nga një çip i avancuar MediaTek Dimensity, duke e pozicionuar në segmentin e lartë të pajisjeve portative për lojëra.
Megjithatë, këto informacione mbeten ende në nivel spekulimi. OnePlus nuk ka bërë asnjë njoftim zyrtar lidhur me një pajisje të tillë, ndaj është e rëndësishme që të pritet një konfirmim nga OnePlus.
