Një trailer i ri misterioz nga Stranger Things 4 është shfaqur në YouTube dhe sjell disa pamje interesante që promovojnë sezonin më të ri dramës nga Netflix.
Në këtë trailer mund të shikojmë letrën e dërguar nga Eleven drejt Mike, ku tregohej se si ajo mezi po priste pushimet e pranverës për ta takuar Mike sërisht. Ajo përshkruan se sa shumë i pëlqen shkolla dhe se si ka bërë kaq shumë shokë (dhe pse ne kemi parë fëmijë të tjerë që sillen keq me të).
Më pas para nesh paraqiten disa prerje të shkurtëra nga seriali i ri, ku Eleven shikon disa patinatorë dhe duket tepër e shqetësuar, dikush që gjuan përmes dritares, Joyce që shikon një kukull të frikshme, banditët e qeverisë që mbajnë Eleven, helikopterë shpërthime e shumë ngjarje të tjera.
Ky trailer i quajtur “Welcome to California” është trailer-i i 4-t i Netflix, ku i pari është shfaqur që në shkurt të vitit 2020. Deri më tani ne kemi parë teaser-in 001 (From Russia With Love…), 002 (Eleven Are You Listening?) dhe 003 (The Creel House).
Duke marë të gjithë këto materiale nga sezoni i 4-t, duket mjaft qartë se Netflix po kërkon që të zgjerojë hapësirën e ngjarjes shumë më larg se qyteti i Hawkins.