Raportimi i fitimeve të 3 mujorit të katërt, që u prezantua ditën e enjte, tregoi detajet më të reja për rikthimin e fuqishëm të Meta, ndërkohë që u realizua dhe shpërndarja e parë e dividendëve nga kompania (Zuckerberg përfitoi $700 milion).
Të ardhurat u rritën me 25% në tremujor nga 32.2 miliardë dollarë një vit më parë, ritmi më i shpejtë i rritjes për çdo periudhë që nga mesi i vitit 2021, pasi tregu i reklamave në internet vazhdoi të rimëkëmbet. Ndërkohë, shpenzimet e kompanisë u ulën me 8% nga viti në vit në 23.73 miliardë dollarë dhe marzhi i saj operativ u dyfishua në 41%, një shenjë e qartë se masat për uljen e kostos po forcojnë përfitimin.
Të ardhurat neto u trefishuan në 14 miliardë dollarë, ose 5,33 dollarë për aksion, nga 4,65 miliardë dollarë ose 1,76 dollarë për aksion, një vit më parë. Meta tha se do t’u paguajë investitorëve një dividend prej 50 cent për aksion më 26 mars. Kjo vjen pasi paratë dhe ekuivalentët e tyre u rritën në 65.4 miliardë dollarë në fund të 2023 nga 40.7 miliardë dollarë një vit më parë. Kompania njoftoi gjithashtu një blerje të aksioneve me vlerë 50 miliardë dollarësh.
Shitjet në njësinë e Meta’s Reality Labs kaluan 1 miliard dollarë në tremujor, megjithëse njësia e realitetit virtual regjistroi 4.65 miliardë dollarë humbje. “Kemi pasur një tremujor të mirë pasi komuniteti dhe biznesi ynë vazhdojnë të rriten,” tha në një deklaratë CEO i Meta Mark Zuckerberg. “Ne kemi bërë shumë përparim në vizionin tonë për avancimin e AI dhe metaverse.”
Meta tha se pret që shitjet e tremujorit të parë të jenë në intervalin nga 34.5 miliardë deri në 37 miliardë dollarë. Analistët prisnin të ardhura prej 33.8 miliardë dollarësh. Shpenzimet në vitin 2024 do të jenë në rangun 94 miliardë – 99 miliardë dollarë.
