Stuhia e fortë diellore e zhvilluar këtyre ditëve mund të ketë një impakt të konsiderueshëm në Tokë. Njolla diellore duket se shpërtheu në një stuhi të fuqishme të shkallës M3 në datën 6 prill e cila ishte drejtuar për nga planeti ynë.
Rezultatet e kësaj stuhie ishin ndërprerjet e valëve radio në oqeanin Indian, nga ku u prekën vendet si India, Sri Lanka, Bangladeshi, Kina, Japonia dhe Korea e Jugut.
Meteorologët në National Oceanic and Atmospheric Administration (NOAA) parashikojnë se ekziston një shanc prej 30% që një tjetër stuhi diellore e fuqishme (e shkallës M) të zhvillohet në datën 9 prill.
“Është pothuajse e sigurt se burimi i kësaj stuhie do të jetë njolla diellore AR3272, e cila ka një fushë magnetike beta-gama të paqëndrueshme.” lexohet në raportimin e publikuar.
Pjesa shqetësuese është ajo ku lexohet se “çdo shpërthim mund të jetë gjeoefektiv pasi njolla mund të shëprthejë në drejtim me Tokën”. Stuhitë diellore mund t’i klasifikojmë në 5 shkallë: A, B, C, M dhe X, ku X është shkalla më e fortë për nga intensiteti.
NOAA paralajmëron se stuhia diellore që do të zhvillohet mund të “shkaktojë probleme me karikimin e sistemeve satelitore duke i vendosur ato në rrezik”.
