Departamenti Amerikan i Drejtësisë (DOJ) akuzoi Apple për krijimin e një monopoli të paligjshëm në tregun e smartphone-ve përmes një procesi të ri gjyqësor antitrust që synon të ndryshojë shumë nga mënyrat se si Apple bllokon përdoruesit e iPhone.
DOJ, së bashku me 16 prokurorë të përgjithshëm të shtetit dhe rretheve, akuzojnë Apple për rritjen e çmimeve për konsumatorët dhe zhvilluesit në kurriz të bërjes së përdoruesve më të varur nga telefonat e saj. Palët pretendojnë se Apple “në mënyrë selektive” vendos kufizime kontraktuale për zhvilluesit dhe ndalon mënyra të ndryshme aksesimi në telefon si një mënyrë për të parandaluar rritjen e konkurrencës, sipas njoftimit.
“Apple ushtron fuqinë e saj monopole për të nxjerrë më shumë para nga konsumatorët, zhvilluesit, krijuesit e përmbajtjes, artistët, botuesit, bizneset e vogla dhe tregtarët, ndër të tjera”, shkroi DOJ.
Qeveria vë në dukje disa mënyra të ndryshme që Apple dyshohet se ka përdorur për të ruajtur ilegalisht monopolin e saj:
- Ndalimi i “super aplikacioneve” që përfshijnë shumë programe të ndryshme dhe mund të ulin “fiksimin pas iOS” duke e bërë më të lehtë për përdoruesit e iPhone kalimin në pajisjet konkurruese si përshembull smartphone-t Android.
- Bllokimi i aplikacioneve cloud-streaming për gjëra të tilla si video lojërat që do të ulnin nevojën për pajisje më të shtrenjta
- Ulja e cilësisë së komunikimit përmes mesazheve midis iPhone dhe platformave konkurruese si Android
- Kufizimi i funksionalitetit të orëve inteligjente të palëve të treta me iPhone duke e bërë më të vështirë për përdoruesit e Apple Watch të largohen nga iPhone për shkak të problemeve të përputhshmërisë
- Bllokimi i zhvilluesve të palëve të treta nga krijimi i portofolëve konkurues dixhital me funksionalitetin “tap-to-pay” për iPhone
