Në vitin 2019, ekologjisti Thomas Crowther ndezi një mani globale të mbjelljes së pemëve për të kompensuar emetimet e karbonit. Por tani ish-këshilltari kryesor për fushatën e Trillion Trees të Kombeve të Bashkuara ka ndryshuar mendimet e tij, duke iu kërkuar ambientalistëve që të ndalojnë mbjelljen masive të pemëve.
Përmes qëndrimit në konferencën e këtij viti për ndryshimet klimatike në Dubai, Crowther tregoi problemet që vinin nga mbjellja masive e pemëve, të tilla si pengimi i biodiversitetit dhe të mos qenit një strategji po aq e efektshme siç besohej dikur. Më i çuditshëm ishte paralajmërimi se mbjellja e pemëve përdoret “si një justifikim për të shmangur uljen e emetimeve“, siç citohet nga Wired.
“Nëse askush nuk do të kishte thënë ndonjëherë ‘mbillni një trilion pemë’, unë mendoj se do të kishim qenë shumë më mirë,” shtoi ai. “Por mbase nuk do të kishte aq shumë zhurmë dhe vëmendje ndaj natyrës, në mënyrë që të gjithë shkencëtarët shumë të përgjegjshëm që janë këtu të mund ta korrigjojnë këtë gabim dhe të përmirësojnë situatën.”
Në kohën kur Crowther prezantoi studimin, shumë shkencëtarë e kritikuan duke thënë se përllogaritjet e thithjes së dioksidit të karbonit nga pemët që do të mbilleshin nuk ishte i saktë, megjithatë kjo lëvizje u bë shumë virale sidomos pas fushatës Team Trees. Kjo fushatë kishte si qëllim të mbillte 20 milionë fidanë, dhe arriti një sukses të madh pas kontributit disa prej disa milionash dollarë të Elon Musk.
Në studimin e tij të fundit, Crowther akuzon praktikat mashtruese nga kompanitë që pretendojnë të jenë miqësore me mjedisin duke mbjellur fidanë të rinj ndërkohë që nuk zvogëlojnë emëtimet.
Për më tepër, ai beson se përqendrimi tani duhet të jetë në ruajtjen e pyjeve ekzistuese. Sipas hulumtimit të tij, lejimi i maturimit normal të pyjeve ekzistuese do të kompensojë rreth 50% më shumë karbon në planin afatgjatë.
