Nuk ka asgjë më të bezdisshme sesa të ngecësh në trafik dhe të shikosh orën të ikë pa kuptuar. Megjithatë kjo mund të jenë një gjë mund të lehtësohet shumë nëse qytetet do të shtonin një ngjyrë të katërt në semaforët e tyre.
Kjo tregohet sipas studiuesve nga Universiteti Shtetëror i Karolinës së Veriut, të cilët zbuluan se vonesat në kryqëzime mund të reduktohen me 27% duke shtuar dritën ‘e bardhë’ në semafor. Në vend që thjesht të ndaloni ose të kaloni rrugën, ky sinjal do t’i lajmëronte automjetet autonome që të ndjekin veprimin e makinës përpara. Bashkautori Dr Ali Hajbabaie tha: “Kjo përmirëson kohën e udhëtimit, efikasitetin e karburantit dhe sigurinë për të gjitha makinat në rrugë.”
Ideja e një sinjali të bardhë mbështetet në supozimin se, një ditë, një numër i madh automjetesh në rrugë do të jenë autonome. Meqenëse automjetet autonome janë në gjendje të komunikojnë me njëra-tjetrën dhe me infrastrukturën e trafikut, ato duhet të jenë në gjendje të punojnë së bashku për të krijuar fluksin më efikas të trafikut. Megjithatë, meqenëse këto makina janë vetëm në fillimet e tyre, ka të ngjarë që një numër i madh automjetesh të mbeten të kontrolluara nga njeriu në të ardhmen e parashikueshme.
Momentalisht, semafori mund t’u thotë njerëzve vetëm të ndalojnë, të përgatiten që dritat të ndryshojnë ose të kalojnë. Sipas këtij sistemi të ri, sapo semafori zbulon se ka mjaft makina autonome në një kryqëzim, ai do të përdoret sinjali i bardhë. Dr Hajbabaie thotë se kjo aktivizon fuqinë kompjuterike të makinave autonome për të anashkaluar trafikun në kryqëzime.’
Për sa kohë makinat autonome e kuptojnë vetë se në cilën korsi duhet të qëndrojnë, arrijnë të bashkëpunojnë me makinat e tjera për të reduktuar sa më tepër trafikun. Ideja e dritës së bardhë në semafor funksionon gjithashtu dhe kur ka vendkalim për këmbësorët, ku dritat jeshile dhe të kuqe do të ndryshojnë në varësi të lëvizjes së trafikut.
Ky sistem përdor machine learning, dhe me përdorimin afatgjatë tregon se do të bëhet gjithnjë e më i saktë.
