Fluturimi mund të jetë një përvojë e frikshme për shumë njerëz. Por ky studim i ri mund t’jua lehtësojë pak këtë frikë – pasi zbulon se udhëtimi komercial ajror nuk ka qenë kurrë më i sigurt.
Studiuesit nga Instituti i Teknologjisë në Masaçusets (MIT) zbuluan se shkalla e vdekshmërisë ra në një për çdo 13.7 milionë pasagjerë globalisht në periudhën 2018-2022 – një përmirësim i madh nga një për 7.9 milionë pasagjerë në 2008-2017. Është gjithashtu një rezultat shumë i përmirësuar në krahasim me fillimet e udhëtimit ajror komercial, që kishte një fatalitet për 350,000 pasagjerë në 1968-1977.
“Siguria e aviacionit vazhdon të përmirësohet,” tha profesori i MIT Arnold Barnett, i cili ishte bashkë autor i studimit. Në studimin e tyre, studiuesit e krahasuan prirjen me “Ligjin e Moore”, parashikimin e famshëm nga themeluesi i Intel, Gordon Moore, se fuqia llogaritëse e çipave dyfishohet afërsisht çdo 18 muaj.
Megjithatë gjatë ditëve të fundit mësuam rreth një fatkeqësie të ndodhur në Brazil, ku të gjithë pasagjerët (62 pasagjerë) në bordin humbën jetën pasi avioni u përplas në Sao Paulo.
Profesor Barnett paralajmëroi megjithatë se përparimi i vazhdueshëm nuk është i siguruar. Gjatë kohëve të fundit ka patur dhe incidente që për fat të mirë nuk kanë shkaktuar humbjen e jetëve të pasagjerëve, si përshembull hapja e derës në një avion Boeing 737 MAX 9 në mes të një fluturimi.
