Cristiano Ronaldo ka thyer rekordin botëror për numrin më të madh të personave të abonuar brenda një ore pasi lançoi kanalin e tij të ri në YouTube. Superylli i futbollit bëri njoftimin se po krijonte kanalin e ri në YouTube përmes një postimi në Instagram.
Dhe pas vetëm një ore nga krijimi i këtij kanalai, Ronaldo kishte arritur një milion abonentë në një orë – kjo është koha më e shpejtë ndonjëherë që që dikush ka arritur këtë moment historik. Sulmuesi portugez prej disa kohësh mban dhe rekordin për numrin më të madh të ndjekësve në Instagram në botë, me një total prej mbi 636 milionë.
Mbetet për t’u parë se sa larg do të arrijë kanali i yllit portugez, megjithëse me këtë fillim të vrullshëm duket se është në rrugën e duhur. A do të jetë e mundur që Cristiano Ronaldo të shndërrohet në një konkurrent të Mr Beast, i cili aktualisht mban rekordin për kanalin me më shumë persona të abonuar në botë, i cili aktualisht ka mbi 311 milionë.
Dhe fansat tashmë mezi po presin të shikojnë videot që do të prezantohen, përfshirë yllin e MMA-së, Dillon Danis, i cili shkroi: “MrBeast është i vdekur tani haha“. Një tjetër fans u shpreh: “Cristiano gati të pushtojë YouTube.” Ndërsa një i tretë u përgjigj: “Kush është MrBeast? Ronaldo po vjen.“
Plani për të krijuar një kanal të ri në YouTube vjen tashmë që karriera e tij futbollistike po i afrohet fundit pasi lojtari është pothuajse në moshën 40-vjeçare, megjithatë ka ende një kontratë për të respektuar me skuadrën saudite Al-Nassr.
YouTube mund të jetë rruga që Ronaldo mund të ndjekë në karrierën e tij pas futbollit, me kanalin e tij të titulluar ‘UR’. Tashmë në kanal janë postuar disa klipe larg jetës së tij futbollistike, përfshirë partneren e tij Georgina Rodriguez dhe fëmijët e tyre. Gjithashtu u konfirmua se ish-ylli i Manchester United do të presë një numër të ftuarish misterioz me të cilët do të kryejë një intervistë.
