Ylli i YouTube, MrBeast, po diskuton nëse platformat e rrjeteve sociale janë të përgatitura për t’u përballur me problemin e reklamave të rreme të krijuara nga AI, pasi një reklamë mashtruese në TikTok shfaqi një “version të krijuar nga AI të MrBeast që ofronte iPhone për vetëm $2”.
“Shumë njerëz po shikojnë këtë reklamë mashtruese “deepfake”… a janë platformat e rrjeteve sociale gati për të përballuar rritjen e “deepfakes” të inteligjencës artificiale? Ky është një problem serioz,” tha Donaldson në X.
Deepfakes përdoren në ditën e sotme për të vendosur fytyrën e një personi në trupin e një personi tjetër. Teknologjia është bërë më e sofistikuar, duke i bërë imazhet dhe videot e falsifikuara më të vështira për t’u dalluar.
Që nga koha e publikimit, kjo video është fshirë nga TikTok. Një zëdhënës i TikTok tregoi për politikat e reklamimit në platformë, të cilat thonë se “Mediat sintetike ose të manipuluara që tregojnë skena realiste duhet të tregohen qartë se janë manipuluar ose duhet të etiketohen“.
Megjithëse “reklama e MrBeast“ nuk është e përsosur – ndonjëherë ka gabime në sinkronizimin e buzëve, në të cilat mënyra se si lëviz goja nuk sinkronizohet me atë që thuhet – ajo tregon për avancimin e teknologjisë AI dhe sa realistike po bëhet.
Videoja shfaqte gjithashtu logon e MrBeast dhe një emër përdoruesi me një shenjë të verifikuar në këndin e poshtëm majtas, ku zakonisht shfaqet një përdorues i verifikuar nga platforma. Në website-in e reklamuar tregohej një imazh që dukej sikur është nga llogaria e MrBeast në Instagram që reklamon dhuratën. Megjithatë, asnjë postim i tillë nuk shfaqet në faqen e verifikuar të llogarisë në Instagram të MrBeast.
