Microsoft sot ka kaluar Apple në renditjen e kompanive publike më të vlefshme në botë për nga vlera e tregut.
Çmimi i aksioneve të Apple ra me vetëm një për qind, duke i mundësuar Microsoft-it që të përfitojë nga ky moment dhe të dërgojë Apple në vendin e dytë me një vlerë prej 2.87 trilion dollarë. Microsoft ka kaluar për periudha të shkurtra kohore Apple si kompania më e vlefshme që në viti 2018, së fundmi në 2020 dhe 2021 kur shqetësimet rreth pengesave në zinxhirin e furnizimit ulën çmimin e aksioneve të Apple dhe shpërthimi i fenomenit të punimit nga shtëpia forcoi Microsoft-in. Momentalisht Microsoft ka një vlerësim në treg prej 2.88 trilion dollarësh.
Gjatë vitit të kaluar, mbështetja e Microsoft për mjetet e inteligjencës artificiale duke mbështetur OpenAI ka ndihmuar në rritjen e vlerës së saj, ndërsa Apple ende nuk ka prezantuar një projekt të rëndësishëm në këtë drejtim. Në raportin e tij të të ardhurave të nëntorit, rezultatet e shitjeve të Apple nuk arritën pritshmëritë pasi kërkesa për iPad dhe wearables ishte më e ulët se sa pritej.
Përfitimet nga shitjet e Mac gjithashtu panë një rënie të madhe në krahasim me vitin e kaluar. Mbetet ende për t’u parë se si lançimi i headset-it Vision Pro do të ndikojnë në treg, por pritshmëritë janë relativisht të ulëta për shkak të numrit të ulët të pajisjeve që do të prodhohen dhe çmimit të lartë të pajisjes.
