Nëse këngët tuaja arrijnë një miliard transmetime ju mund të krahasoheni mjaft mirë me këngëtarët mjaft të njohur si Drake, Taylor Swift apo Harry Styles.
Por një producent e ka arritur këtë moment historik duke u fokusuar te dëgjuesit me katër këmbë dhe gëzof në vend të qenieve njerëzore. Duke folur nga Los Angeles, Amman Ahmed thotë për DailyMail.com se ai e filloi rrugëtimin e tij përmes një kanali në YouTube, duke luajtur këngë dhe duke dëgjuar komentet e pronarëve të kafshëve shtëpiake derisa ai krijoi muzikë që vërtet relaksonte kafshët.
Tani producenti pioner që krijon muzikë për macet, qentë apo kavjet tani ofron dhjetëra playlists për të relaksuar kafshët shtëpiake dhe thotë se ‘procesi i tij krijues’ drejtohet nga vetë dëgjuesit e tij me katër këmbë. Adhuruesi i hip hopit Ahmed tha: ‘Fillimisht fillova të bëja muzikë për njerëzit për të ndihmuar me pagjumësinë – dhe një mik tha me shaka, ‘Po e provoj njëherë tek qeni im’.“
Për Ahmed ishte shumë i rëndësishëm ‘eksperimentimi dhe krijimi i ideve’, por më e rëndësishmja, mbështetja në komentet e pronarëve të qenve se çfarë funksionoi dhe çfarë jo.
“Kur filluam, kishte vetëm pak kërkime shkencore për këtë,” tha ai. “Ne filluam të prodhojmë frekuenca të ndryshme, lloje të ndryshme muzike dhe më e rëndësishmja, të marrim sa më shumë informacion të jetë e mundur, nga pronarët e qenve, qentë që e përdorin atë dhe më pas të mësojmë prej këtyre të dhënave.”
Kompania e tij, Music For Pets, u ble nga Create Music Group me bazë në SHBA pas një rritje të popullaritetit, me Create që tani planifikon të investojë 10 milionë dollarë në kompani dhe markat e saj Relax My Dog dhe Relax My Cat. Music For Pets ka playlists për macet dhe qentë (dhe ka eksperimentuar me krijimin e muzikës për derrat dhe kavjet) dhe Ahmed tha se përdoruesit po e përdorin këtë muzikë për të larguar ankthin që kafshët shtëpiake kanë kur shkojnë tek veterinerët.
