Çamçakëzët me shije të ndryshme janë produktet të cilave iu është vënë një pikëpyetje e madhe nga Food and Drugs Administration, e cila prej vitesh dëshiron të parandalojë përdorimin e nikotinës duke filluar që nga adoleshentët e deri tek të rriturit.
Agjencia lajmëroi ditën e djeshme se i ka dërguar Krave Nic, personit që shet çamçakëz që përmbajnë 1mg nikotinë në 3 shije të ndryshme, një letër paralajmëruese. FDA tregon se kompania duhet të ketë autorizimin e FDA për të prodhuar ose shitur këtë lloj produkti, siç bëhet e ditur në deklaratën për shtyp.
“Çamçakëzët me nikotinë janë pjesë e një krize shëndetësore publike që pritet të shpërndahet akoma më tepër në të rinjtë e shtetit tonë, sidomos tani me fillimin e vitit të ri shkollor.” tha komisoneri i FDA Robert Califf.
Ky produkt i ri nicotine është i ri në treg. Çamçakëzët me nikotinë u dizenjuan për të ndihmuar njerëzit të linin duhanin dhe kanë ekzistuar prej vitesh, mirëpo këto produkte me shije nuk janë të dizenjuar për të njejtin funksion.
Sipas një studimi të kryer, këto janë produktet e dyta më të përdorura nga adoleshentët në gjimnaz. Ato kanë një profil të ngjashëm me vapes që prodhoheshin më parë nga kompanitë si Juul – kanë shije të mirë dhe mund të fshihen lehtësisht nga prindërit ose mësuesit.
