Bill Gates nuk mendon se përdorimi i një avioni privat dhe më pas mbajtja e fjalimeve mbi ndryshimet klimatike që po ndodhin gjatë viteve të fundit është një hipokrizi. Mirëpo ai tregoi se miliarderët dhe shtetet e pasura duhet të ulin emëtimet e tyre sa më shpejt pranë 0.
“Unë shpenzoj shumë para duke mbështetur Climeworks, e cila kap karbonin nga ajri në një sasi shumë më të madhe se sa emëtimet e familjes time,” tha CEO i Microsoft gjatë një interviste për BBC nga Kenia.
“Unë shpenzoj gjithashtu miliarda dollarë në inovacionet e reja klimatike. Pra a duhet të qëndroj unë në shtëpi dhe të mos vij në Kenia për të mësuar rreth bujqësisë dhe malaries?” shtoi ai.
Sasia e gazeve të emëtuara nga fluturimet me avionë janë të konsiderueshme, dhe World Wildlife Fund e përshkruan këtë emëtim si “një ndër burimet kryesore që po ndikon në ndryshimet klimatike.” Udhëtimi me avion është sipas WWF aktiviteti që mund të emëtojë më shumë karbon nga një person i vetëm.
Miliaderi Bill Gates shtoi gjithashtu se ai është dakord me idenë se ai nuk është një kontribues në këtë problem, por përmes miliardave që po shpenzon në Breakthorugh Energy Group është pjesë e zgjidhjes së këtij problemi.
article by: Endri Dano
