Një astronaut ka shpërndarë një video nga hapësira e cila e hedh poshtë teorinë e ‘Tokës së sheshtë’ një herë e përgjithmonë. Kuptimi se Toka është e rrumbullakët ka qenë pjesë e njohurive tona të përbashkëta për mijëra vjet.
Pavarësisht nga konceptimet e gabuara popullore në lidhje me hartat 2D dhe qëllimet e Christopher Columbus, njerëzit kanë qenë të vetëdijshëm se ne jetojmë në një planet në formë sferike që nga koha helenistike, me filozofin grek Pitagora që spekuloi këtë para vdekjes së tij në 495 pes. E megjithatë miti se ne jetojmë në një botë të sheshtë vazhdon të jetë një diskutim dhe në ditët e sotme.
Argumentet e paraqitura nga mbështetësit e “Tokës së sheshtë” duhet të jenë veçanërisht qesharake për astronautët, duke pasur parasysh faktin se ata e kanë parë planetin tonë në bukurinë e tij të plotë sferike disa herë.
Për të gjithë personat që nuk janë ende të bindur, ky astronaut ka publikuar një video që shfaq formën sferike të Tokës e cila është shpërndarë nëpër mediat sociale.
Në llogarinë e spacemanedu në TikTok, i cili ndan rregullisht video të astronautëve në hapësirë, u publikua një video e një astronauti që përshëndet kamerën përpara se ta kthejë atë për të treguar këndvështrimin e tij të planetit Tokë.
“Dikush tha se Toka ishte e sheshtë”, shtoi ai në mbishkrimin e videos. Për këdo që ende nuk është i bindur, NASA gjithashtu ndan rregullisht foto dhe video të Tokës të marra nga hapësira përmes llogarive të tyre në Instagram të Stacionit Ndërkombëtar Hapësinor dhe NASA Earth.
