Prototipi tërësisht elektrik SU7 me performancë të lartë i Xiaomi ka vendosur një kohë rekord në pistën e Nürburgring të Gjermanisë, siç bëhet e ditur nëpërmjet një postimi nga kompania.
SU7 Ultra përfundoi xhiron rreth pistës në vetëm 6 minuta e 46.874 sekonda, duke u bërë kështu makina më e shpejtë me katër dyer në pistën e famshme. Që nga viti 1927, pista Nürburgring prej 20.9 kilometrash është shfrytëzuar nga makinat e reja si terrenin përfundimtar i testimit.
Drejtuesi ekzekutivi i Xiaomi, Lei Jun, tregoi lajmin përmes një postimi në platformën kineze të mediave sociale Weibo, vetëm pak çaste pasi SU7 Ultra përfundoi qarkun. “Si një e kompani që sapo është përfshirë në industrinë e automobilave, Xiaomi ka treguar vendosmëri dhe guxim të madh duke marrë përsipër sfidën e Nürburgring me makinën e saj të parë”, shkroi Lei.
Supermakina Ultra, e cila u zbulua këtë verë dhe pritet të shitet për rreth $112,500, përmban një sistem me tre motorë me të gjitha gomat aktive të zhvilluar nga Xiaomi, që mund të arrijë nga 0 deri në 100 km/h në 1,97 sekonda dhe arrin shpejtësi maksimale deri në 350 km/h, sipas kompanisë.
Në X, kreu i Xiaomi ndau disa detaje të tjera teknike, duke treguar se makina elektrike do të ketë disqet më të mëdhenj të frenave në klasën e tij, me materiale si qeramika karboni për standardet profesionale të garave. Ai gjithashtu do të pajiset me goma Bilstein EVO T1 dhe do të vijë me 548 kuajfuqi të kombinuar, që është më shumë se një Bugatti Chiron.
