Prodhuesit e makinave po nxitojë për të prodhuar makina tërësisht autonome, dhe Volkswagen ka tashmë një koncept të ri gati, të quajtur Gen.Travel.
Kjo makinë autonome jo vetëm që teston nivelin e 5-të të automatizimit, por është dizenjuar gjithashtu për të testuar se cilat shërbime mund të jenë më të rëndësishme për pasagjerët ndërkohë që teknologjia përhapet akoma dhe më tepër.
Pjesa e brendshme e makinës nuk ka as timon apo kontrolle të tjera, të cilat ofrojnë mënyra shumë të ndryshme të organizimit të hapësirës. “Ky dizajn jo vetëm që të jep avantazhin e hapësirës më të madhe, po i mundëson pasagjerëve dhe të flenë brenda makinës, pasi ato nuk kanë përse të shqetësohen për drejtimin e saj.”
Interiori minimalist është tërësisht i përshtatshëm ndaj kërkesave të pasagjerëve që udhëtojnë me Gen.Travel. Nëse pasagjerët udhëtojnë gjatë natës, sendiljet do të shtrihen në formën e dy shtretërve pothuajse 2 metër të gjatë. Për sa i përket sigurisë, rripat e sigurisë dhe airbag janë të integruara në jorganin tuaj.
Gjithashtu ju mund të porosisni makinën tuaj në një tjetër konfigurim me 4 sedilje dhe një tavolinë kryesore. Hapësira e madhe që i është siguruar dritareve lejon pasagjerët që të kenë një kënd të gjërë shikimi nga të gjitha drejtimet.
