Tesla Cybertruck është modifikuar nga një kompani e quajtur Unplugged Performance (UP) e kthejnë atë në një tank elektrik për aplikime ushtarake – ose për civilë të shqetësuar për sigurinë.
Më parë Unplugged Performance prezantoi një tjetër Cybertruck të modifikuar për t’u përdorur si një patrullë policie. Tani, kompania ka bashkëpunuar me Archimedes Defense për të ndërtuar një version ushtarak të Cybertruck.
“I krijuar për përdorim qeveritar dhe civil, STING është ndërtuar për të lulëzuar në mjediset më të vështira, duke ofruar aftësi të pakrahasueshme për këdo që duhet të jetë gati për çdo gjë.” shkruan kompania.
STING Baja vjen me paketën UP INVINCIBLE të zbuluar tashmë nga UP për Cybertruck, i cili shton një gjenerator që përshtatet në pjesën e poshtme dhe mund të karikojë deri në 125 kW. Ai mund të përdoret për të rritur autonominë e makinës elektrike. Versioni Protector shton forca të blinduara që mund të mbrojnë kundër plumbave deri në 7.62 mm.
Tesla pretendonte që në fillim se Cybertruck është “i papërshkueshëm nga plumbat“, por vetëm në disa seksione ku ka mjaftueshëm çelik dhe sigurisht jo dritaret. Së fundi, bashkëpunimi po zbulon gjithashtu Cybertruck STING APC, i cili shton mbrojtje kundër plumbave deri në 14.5 mm dhe një shtresë për t’u mbrojtur kundër minave.
UP paralajmëron se, në varësi të juridiksionit, dy versionet e fundit mund të mos miratohen për t’u drejtuar në rrugë publike. Nuk ka asnjë fjalë për çmimin, por të dy kompanitë thonë se janë të hapura për t’u shitur produktet e tyre qeverive ose civilëve.
