Tesla ka nisur dorëzimet e para të Cybertrucks, dhe disa klientë kanë vënë re menjëherë disa probleme me cilësinë e prodhimit të makinës. Ata kanë vënë re se ka disa hapësira jo normale midis paneleve të ndryshme të Cybertruck.
Një panel në pjesën e pasme duket gjithashtu sikur po bie. Si ka mundësi që Tesla nuk i ka zbuluar këto probleme në produktet e saj para dorëzimit?
Në të kaluarën, Tesla është kritikuar shpesh për sa i përket cilësisë së prodhimit të makinave të saj. Megjithatë, përgjithësisht pranohet se cilësia është përmirësuar me kalimin e viteve, dhe tani produktet më të fundit të Tesla, si Modeli Y, marrin vlerësime më të mira në këtë drejtim.
Kur bëhet fjalë për Cybertruck, ka pasur shqetësime për shkak të natyrës së dizajnit të makinës elektrike. CEO Elon Musk u tha punonjësve të Tesla-s se duhet t’i kushtojnë vëmendje shtesë çdo këndi të Cybertruck sepse “çdo ndryshim dimensional bie në sy në mënyrë të menjëhershme” për shkak të këndeve shumë të drejta.
Fillimisht modelet e para të prodhuara të Cybertruck iu dorëzuan punonjësve të kompanisë, dhe nuk dukeshin sikur kishin probleme të tilla. Por tani Tesla ka nisur dorëzimin e Cybertruck drejt klientëve të parë që nuk janë punonjës të Tesla-s dhe këto probleme nuk janë ato që do të prisnit nga një makinë me një çmim premium. Pronari postoi disa fotografi në Cybertruck Owners’ Club pas dorëzimit, dhe disa nga boshllëqet e paneleve duken mjaft keq.
