Mercedes-Benz është mbret i cilësisë kjo është e qartë, por nëse në industrinë e automjeteve me motorr me djegie të brendshme është lider, në atë elektrike është ende në hapa fillestarë.
Ama kjo nuk e pengon që të shpalosë ambiciet e veta, ndërsa deklaron se EQS e ardhshme do të ketë një maksimum kilometrazhi prej 700km për karikim.
Deklaratat vijnë në një kohë kur EQS del nga faza e konceptit dhe i afrohet prodhimit. Ky mjet i cili sipas Daimler do të jetë lider në treg do të ketë një bateri 100kWh, njejtë si Tesla Model S, e cila së fundmi mori çertifikimin për 402 milje 647km. Mercedes mund t’i ketë në letra 53km më shumë por Tesla mbetet lider në këtë fushë.
Për më tepër Ola Källenius, shefja e Daimler tha se EQS do të konkurojë me S-Class të vetë kompanisë.
Kjo veturë do të jetë në të njëjtin nivel të luksit, rehatisë dhe sigurisë.
Produksioni i EQS pritet të fillojë në fund të vitit dhe modelet e para do t’i shohim në treg në 2021.
