Formula 1 dhe DHL kanë lajmëruar gjatë ditës së sotme se gjatë garave që do të zhvillohen në Evropë në sezonin 2023 të Formula One World Championship do të përdoren kamionë të rinj që fuqizohen nga karburanti HV0100, duke reduktuar kështu emëtimet e karbonit me 60% krahasuar me karburantin e zakonshëm. Ky është inovacioni më i ri në këtë sport i cili po përpiqet të ofrojë zgjidhje më të qëndrueshme si pjesë e përpjekjeve për të arritur neutralitetin e karbonit deri në 2030.
Flota e parë e DHL përbëhet nga 18 kamionë të rinj që përdorin karburantin HV0100 drop-in fuel. Këto kamionë do të udhëtojnë rreth 10,600 kilometra në Evropë, dhe do të emëtojnë më pak karbon në ajër duke ruajtur të njejtën performancë për sa i përket kapacitetit dhe distancës së udhëtimit.
Që nga prezantimi i kësaj strategjie nga Formula 1 në vitin 2019, krijimi i një rrjeti furnizimi me karburant më të qëndrueshëm ka qenë fokusi i partneritetit midis F1 dhe DHL dhe prezantimi i kamionëve me karburant më miqësor ndaj mjedisit është një hap tepër pozitiv.
Ky inovacion vjen në një kohë ku Formula 1 vazhdon të bëjë hapa para për prezantimin e një karburanti të qëndrueshëm në 2026 së bashku me një motor hibrid të gjeneratës së re, i cili do të ketë një impakt shumë pozitiv në industrinë e transportit.
