Duket se CEO i Ford, Jim Farley, ka kopjuar disi stilin e Elon Musk me premtimet mjaft të mëdha (të cilat shpesh herë nuk përmbushen), pasi ka treguar në një intervistë për Blomberg se në vitin 2025 kompania do të prezantojë një makinë elektrike e cila do të drejtohet në mënyrë autonome.
“Në autostradë gjatë një dite plot diell, drejtuesit mund të flenë në makinën e tyre, të kryejnë telefonata ose të bëjnë çfarë të duan ndërkohë që makina drejtohet në mënyrë autonome.” tha Farley.
Ky sistem përshkruhet nga CEO si një hap tepër i madh për shërbimin ekzistues driver-assistance të Ford, që quhet BlueCruise. Ky shërbim fton të gjithë drejtuesit të largojnë duart nga timoni ndërkohë BlueCruise që merr në kontroll pedaled e gazit frenat dhe vetë timonin. Megjithatë drejtuesit duhet të tregohen të kujdesshëm që të ndërhyjnë në çdo moment.
Prej shumë vitesh Musk ka premtuar se drejtimi autonom do të vijë shumë shpejt në Tesla, mirëpo kjo teknologji duket se nuk është ende gati.
Ford po përpiqet të rivalizojë Tesla në tregun e makinave elektrike me makinat si F-150 Lightning apo Mustang Mach-E. “
Ne planifikojmë të sfidojmë Tesla dhe të shndërrohemi në prodhuesin më të madh të makinave elektrike në botë.” tregoi Farley një vit më parë.
